ગુજરાતી પ્રવાસી – Gujarati Pravasi

વિશ્વ પ્રવાસીઓ માટે, ગુજરાતી ભાષામાં

બ્લોગ પરિચય

‘ફરે તે ચરે, બાંધ્યો ભૂખે મરે’. ‘જીવ્યાથી જોયું ભલું.’ ‘જાવે જે કો નર ગયો, ના’વે મંદિર માંય, જો આવો પાછો ફરી, તો પરિયા પરિયા ખાય.’

ઉપરની કહેવતોથી જ ગુજરાતી પ્રવાસીનો સ્વભાવ જણાઈ નથી આવતો શું? ગુજરાતીઓ સ્વભાવથી જ વિશ્વપ્રવાસી, ‘વર્લ્ડ-ટ્રાવેલર’ છે.  હેતુ અથવા કારણ ગમે તે હોય, મોજ-શોખ હોય, શૈક્ષણિક હોય, વ્યવસાય હોય, સામાજિક હોય, ધાર્મિક હોય કે પ્રાસંગિક – કે પછી જેમ નવતર પેઢી કહે છે, તેમ ‘ચેઈન્જ’ માટે હોય; ગુજરાતીઓ પોતાના વ્યસ્ત જીવનમાં સંજોગો અનુકુળ હોય, ત્યારે સમય કાઢીને મુસાફરી, પ્રવાસ, યાત્રા, પર્યટન અવશ્ય કરે છે. આપણા દેશમાં હજારો લોકો વર્ષોથી યાત્રાસ્થળોએ જાય છે. પણ ગુજરાતીઓનું પરદેશ ખેડવાનું ધેલું સદીઓ પુરાણું છે. પહેલાં લોકો જાવા, સુમાત્રા, રંગૂન, એડન જતા. તે પછી આફ્રિકા, લંડન, અમેરિકા, ઓસ્ટ્રેલિયા, યુરોપ, ક્યાં ક્યાં નહીં… દુનિયાના દરેક ખૂણામાં, અરે આફ્રિકાના મોઝામ્બિક નામના કોઈ નાનકડા દેશના ટચૂકડા ગામમાં પણ તમને કોઈ ગુજરાતી પ્રવાસી જોવા મળશે!

અલગ અલગ સ્થળે જવાથી જીવનમાં આવતું વાસ્તવિક પરિવર્તન તાજગી તો આપે જ છે, પણ તે ઉપરાંત પ્રવાસના સંસ્મરણો ભવિષ્યમાં વાગોળવાથી પણ આનંદ મળે છે. અને ખરેખર તો પ્રવાસની આ અનુભૂતિ જીવન ઘડતરમાં ખૂબ મદદરૂપ થાય છે. બહારની દુનિયા જોવાથી બાહોશ ગુજરાતીઓની વૃત્તિ-પ્રવૃત્તિમાં ઘણું મોટું પરિવર્તન આવ્યું છે.

તો પરિવર્તનના આ પ્રકારને વધાવીએ – ‘ગુજરાતી પ્રવાસી’માં જગતભરને જોઈ નાખવાના સ્વપ્નો ધરાવતા આપ સૌનું સ્વાગત છે. મહેરબાની કરીને નોંધી લેજો કે આ માહિતી* માત્ર ગુજરાતીઓ માટે જ નથી, પરંતુ સૌના સાથ-સહકાર વડે, મારા-તમારા જેવા દરેક પ્રવાસીની માહિતી, મારા-તમારા જેવા દરેક પ્રવાસી સુધી, ગુજરાતી ભાષામાં પહોંચાડવાનો આ નમ્ર પ્રયાસ છે. આશા છે કે સૌનો સાથ સાંપડે.

બૉન વૉયેજ !

*માહિતી ઘણાં બધાં સંદર્ભો, લેખો, ઉલ્લેખો, પુસ્તકો, પુસ્તિકાઓ, વગેરેમાંથી ભેગી થયેલી છે, સૌનો આભાર. જો આપ જેવા પ્રવાસીઓ પણ આમાં અનુભવો, હકીકતો, ઉમેરતા રહેશે, તો સૌને આપની માહિતી અને માર્ગદર્શન પ્રાપ્ય રહેશે. Thank you.

Creative Commons License
This work is licensed under a Creative Commons Attribution-NonCommercial-ShareAlike 2.5 India License.
 

Advertisements

2 ટિપ્પણીઓ »

  1. ભાઈ પ્રવાસી,

    તમારો બ્લોગ આજે પહેલી વાર જોયો અને હદ બહાર ગમ્યો.

    હજુ ખૂબ ખૂબ ફરજો અને તમારા રસમય અનુભવો જણાવતા રહેજો. તમારી ટીપ્સ ખૂબ કામ આવે તેવી છે. ક્યાંક કોઈ કડવો અનુભવ થાય તો તે લખવામાં સંકોચ ન રાખશો. લખાણમાં નિખાલસ રહેજો.

    -માવજીભાઈ મુંબઈવાળાના પ્રણામ

    ટિપ્પણી by માવજીભાઈ મુંબઈવાળા | માર્ચ 18, 2012 | જવાબ આપો

    • આપનો આભાર, માવજીભાઈ.

      – બહેન પ્રવાસીના પ્રણામ!

      ટિપ્પણી by પ્રવાસી | માર્ચ 23, 2012 | જવાબ આપો


પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s

%d bloggers like this: